កែប៖ រដ្ឋបាលខេត្តកែប នឹងរៀបចំព្រឹត្តិការណ៍ធំៗចំនួន៣ ដែលប្រព្រឹត្តទៅនៅថ្ងៃទី ៣០-៣១ ខែធ្នូ ឆ្នាំ២០២៣ខាងមុខនេះ ដើម្បីអបអរសាទរ ពិធីឆ្លងឆ្នាំសកល ឆ្នាំ២០២៣ ឈានចូលឆ្នាំ២០២៤។
នៅចុងខែធ្នូនេះ ខេត្តកែបនឹងមានពិធីបង្ហោះខ្លែងខ្មែរ នៅថ្ងៃទី៣០ ខែធ្នូ ឆ្នាំ២០២៣ វេលាម៉ោង ៧:៣០នាទីព្រឹក នៅឆ្នេរថ្មីផ្សារក្តាម។ នៅថ្ងៃទី៣១ វេលាម៉ោង៧:៣០នាទីព្រឹក នឹងមានរៀបចំពិធីអុំទូកផ្កាចារសមុទ្រ នៅឆ្នេរលេងទឹក(LOVE KEP) ហើយនៅពេលយប់ វេលាម៉ោង៧រហូតដល់ម៉ោង១២ រំលងយប់ចូលថ្ងៃទី១ ខែមករា ឆ្នាំ២០២៤ និងមានការប្រគំតន្រ្តី ការអុជកាំជ្រូច និងបង្ហោះគោម។
គូសបញ្ជាក់ឱ្យដឹងថា ខេត្តកែប ទើបតែប្រព្រឹត្តពិធីបុណ្យសមុទ្រលើកទី១០ កាលពីដើមខែធ្នូ ដោយទទួលបានភ្ញៀវទេសចរជាតិជាង២៦ម៉ឺននាក់ និងភ្ញៀវទេសចរអន្តរជាតិជិត២ពាន់នាក់៕